Ambulansla xəstəxanaya aparılan kapitan bu gün oynamağa hazırdı: "Orda qorxulu heç nə yox idi, sadəcə..."

Misli Premyer Liqasının keçən turunda “Araz-Naxçıvan”la səfər matçında rəqiblə hava mübarizəsindən sonra huşunu itirərək ambulansla xəstəxanaya aparılan "Kəpəz"in kapitanı Yeqor Xvalko son durumu haqda danışıb.

Belaruslu mərkəz müdafiəçisi Presssport.az-a açıqlamasında hər şeyin qaydasında olduğunu deyib. 

Onun sözlərinə görə, qısa istirahətdən sonra məşqlərə qatılaraq bugünkü matçda meydana çıxmağa hazırdı.

Yeqor həmin epizodu belə xatırlayıb: “Normal epizoddu. Orda qorxulu heç nə yox idi. Sadəcə, yerə uğursuz dəydim. Oyunda isə belə anlar çox olur. Sadəcə, bəxtim gətirmədi”.