Azar üçün 2024-cü il artıq bitdi

Belçika millisinin futbolçusu Torqan Azar ağır zədə alıb.

Presssport.az xəbər verir ki, 31 yaşlı yarımmüdafiəçi nəticədə AVRO-2024-ü buraxmalı olaraq, ümumiyyətlə, bu il bir daha meydana çıxa bilməyəcək.

Ölkəsində “Anderlext”in formasını geyinən Azar çempionatn son turunda “Union”la matçda (2:1) sağ dizinin ön çarpaz bağı qopub. Tibbi müayinənin ardından onun zədəsinin ciddi olduğu aşkarlanıb.

Torqan bu mövsüm 25 oyunda 4 qol vurub, 6 məhsuldar ötürmə verib. Onun Brüssel təmsilçisiylə müqavilə müddəti 2026-cı ilin yayınadək nəzərdə tutulub.

Xatırladaq ki, Belçika yığması bu yay Almaniyada keçiriləcək final mərhələsində E qrupunda Slovakiya, Rumıniya və Ukrayna milliləri ilə birgə yer alacaq.