Nicat Abasov İddiaçılar Turnirini qələbəsiz başa vurub

Azərbaycan şahmatçısı Nicat Abasov Kanadanın Toronto şəhərində keçirilən İddiaçılar Turnirində sonuncu görüşünə çıxıb.

Presssport.az xəbər verir ki, 28 yaşlı qrossmeyster XIV turda Rameşbabu Praqnanandha (Hindistan) ilə üz-üzə gəlib.

Ağ fiqurlar Abasova kömək olmayıb və o, ilk görüşdəki kimi rəqibinə uduzub. 14 turun nəticəsinə əsasən, N.Abasov 3,5 xalla sonuncu - 8-ci yeri tutub..

Turnirinin qalibi 9 xalla Qukeş olub. Üçüncü yeri tutan Nepomnyaşi turnirdə bir dəfə də uduzmayan (3 qələbə, 11 heç-heçə) yeganə şahmatçı olub.

Qeyd edək ki, qadınlar arasında İddiaçılar Turnirinin qalibi 9 xalla Çin şahmatçısı Tan Çjunyi olub.