Region Liqasının final oyununun yeri və başlama saatı açıqlanıb

AFFA-nın təşkilatçılığı ilə keçirilən Region Liqasının final oyununun yeri və başlama saatı müəyyənləşib.

Presssport.az xəbər verir ki, həlledici matç mayın 24-də saat 16:00-da Şamaxı şəhər stadionunda keçiriləcək.

Bu yerdə bildirək ki, Region Liqasında 2 il əvvəl də final matçı məhz Şamaxıda həmin arenada keçirilmişdi.

Xatırladaq ki, Region Liqasının 2023/24 mövsümündə 1/4 final mərhələsinin ilk oyunları arxada qalıb. Cavab matçları isə aprelin 27-28-də keçiriləcək.