"Sabah" müntəzəm mövsümün çempionudu

Bu gün "Sərhədçi" İdman Mərkəzində Azərbaycan Basketbol Liqasının (ABL) XVIII turunun açılış oyunu baş tutub. 

Presssport.az xəbər verir ki, "Sabah" və “Xəzri”nin üz-üzə gəldiyi oyunda birincilər rəqibinə 77:65 hesabı ilə qalib gəlib. 

Bu qələbə ilə "Sabah" müntəzəm mövsümü lider bitirərək, adını pley-off-un yarımfinalına yazdırıb. Ən məhsuldar basketbolçular: "Sabah" (Artyoms Butyankovs - 15 xal, 13 ribaund), "Xəzri" (Cordan Perkins - 18 xal, 6 ribaund) 

Qeyd edək ki, sonuncu 18-ci turun növbəti oyunları ("Xırdalan" - "Cəlilabad", "Neftçi" - "Sərhədçi", "NTD-İNDİQO" - "Şəki", "Gəncə" - "Sumqayıt") 25,26,27 və 28 aprel tarixlərində baş tutacaq