Millimiz Slovakiya yığması ilə yoldaşlıq görüşü keçirəcək

Azərbaycanın 21 yaşadək futbolçulardan ibarət milli komandası (U-21) yoldaşlıq görüşü keçirəcək.

Presssport.az AFFA-nın rəsmi saytına istinadən xəbər verir ki, Samir Əliyevin komandası iyunun 7-də səfərdə slovakiyalı həmyaşıdları ilə qarşılaşacaq.

Senec şəhərində yerləşən Təlim-Məşq Mərkəzində keçiriləcək görüş Bakı vaxtı ilə saat 20:30-da başlayacaq.

Xatırladaq ki, 21 yaşlılarımız AVRO-2025-in seçmə mərhələsində növbəti rəsmi matçını bu ilin sentaybrın 6-da səfərdə Lüksemburqla keçirəcək.