Parataekvondoçumuz Avropa çempionatının gümüş mükafatçısı oldu

Bu gün Serbiyada keçirilən parataekvondo üzrə Avropa çempionatının sonuncu günündə -80 kq çəki dərəcəsində mübarizə aparan idmançımız Əbülfəz Abuzərli dayanq üzərinə çıxıb.

Presssport.az xəbər verir ki, 1/4 finalda türkiyəli Arda Adem Özkulu (23:9), yarımfinalda Böyük Britaniya təmçilsisi Jozef Leyni (12:3) məğlub edən Əbülfəzin finalda rəqibi cənubi koreyalı Jeonq Joo olub. Finalda məğlub olan (7:15) idmançımız qitə çempionatının gümüş medalını qazanıb.

Onu da bildirək ki, Abuzərli ötən il Rotterdamdakı analoji yarışda qitənin ən güclüsü olmuşdu. İdmançımız həmçinin dünya çempionatının finalçısı və üçqat bürünc medalçısıdı.