Kişi həndbolçular arasında Azərbaycan çempionatının qalibi bəlli olub

Kişi həndbolçular arasında Azərbaycan çempionatının qalibi müəyyənləşib.

Presssport.az xəbər verir ki, sonuncu turda Mingəçevirdə yerli “Kür” "Bakı"nı qəbul edib.

Bu görüş ərəfəsində rəqibləri cəmi 2 xal ayırırdı. Meydan sahibləri 28 xalla yarış cədvəlinin 1-ci, “Bakı” 26 xalla 2-ci pilləsində qərarlaşmışdı.

Rəqibini 23:18 hesabı ilə üstələyən "Kür" Azərbaycan çempionu olub. “Bakı” yarışın gümüş, “Azəryol” komandası isə bürünc medalları ilə kifayətlənməli olub.