"Sabah" final seriyasına məğlubiyyətlə başladı

Bu gün Azərbaycan Basketbol Liqasında final seriyasının ilk oyunu keçirilib.

Presssport.az xəbər verir ki, son çempion "Sabah" "Xəzri"ylə "Sərhədçi" İdman Mərkəzində üz-üzə gəlib.

Qarşılaşma 90:75 hesabı ilə "Xəzri"nin xeyrinə başa çatıb.

Seriyanın növbəti oyunları mayın 19-da və 22-də baş tutacaq. 

Xatırladaq ki, 3 qələbə qazanan komanda Azərbaycan çempionu adına sahib çıxacaq.