"Neftçi" üçün son sınaq - çempion ola biləcək?

“Neftçi” PFK-nın qızlardan ibarət komandası Yüksək Qızlar Liqasında bu mövsüm sonuncu oyununu keçirəcək. Presssport.az xıbır verir ki, Siyasət Əsgərovun komandası bu gün XVIII turda “İnter”lə (Xaçmaz) qarşılaşacaq. 

Saat 13:00-da “Neftçi” Futbol Mərkəzində baş tutacaq matçdan sonra mükafatlandırma mərasimi təşli olunacaq. Oyun və mükafatlandırma mərasiminin “Neftçi TV” vasitəsilə canlı yayımlanması planlaşdırılır.

15 oyundan 42 xal toplayan “Neftçi” turnir cədvəlindəki 1-ci pillənin sahibi, 16 oyun keçirən “Sumqayıt”dan 3 xal geri qalır. Bu isə o deməkdir ki, “ağ-qaralar” qələbə qazanarsa, xallar bərabərləşəcək. Belə olan halda, çempionun müəyyənləşməsi üçün əsas göstərici kimi komandalar arasındakı şəxsi nəticələr (1:2, 2:0) nəzərə alınacaq ki, bu halda, “Neftçi” üstün olduğu üçün Azərbaycan çempionluğunu qazanacaq.

Xatırladaq ki, Yüksək Qızlar Liqasının çempionu qadınlar arasında təşkil olunan UEFA Çempionlar Liqasında mübarizə aparacaq.