"Qarabağ" Lunyovu da rəsmən göndərdi

"Qarabağ" qapıçısı Andrey Lunyovla yollarını ayırıb.

Presssport.az xəbər verir ki, 33 yaşlı rusiyalı qolkiperlə başa çatan müqavilə uzadılmayıb. 

Bu barədə klubun mətbuat xidməti məlumat yayıb.

2023-cü ilin yayından "Qarabağ"da çıxış edən və “1+1 il” şərtiylə müqavilə imzalayan Lunyov bu müddətdə 34 matça çıxıb. O, Premyer Liqada 19, kubokda 5, avrokuboklarda 10 oyun keçirib. Andrey “Qarabağ”la Azərbaycan çempionu və kubokunun qalibi olub.

Xatırladaq ki, ağdamlılar mövsüm bitəndən sonra fransalı cinah yarımmüdafiəçisi Adama Diakabiylə də başa çatan müqaviləni uzatmayıb.