Azərbaycanlı hakim “Ştutqart”ın matçını idarə edəcək

Azərbaycanın FİFA referisi Kamal Umudlu növbəti beynəlxalq təyinat alıb.

Presssport.az AFFA-nın rəsmi saytına istinadən xəbər verir ki, Umudlu UEFA Gənclər Liqasının II turu çərçivəsində keçiriləcək “Ştutqart” (Almaniya) – “Sparta” (Çexiya) oyununun baş hakimi olacaq.

Ona Namik Hüseynov və Rəhman İmami kömək edəcək. Dördüncü hakim funksiyasını almaniyalı Mark Filipp Ekermann yerinə yetirəcək.

Oktyabrın 1-də Ştutqart şəhərində yerləşən “Valdau” stadionunda keçiriləcək görüş Bakı vaxtı ilə saat 14:30-da başlayacaq.