Mourinyonun "Fənərbaxça"da illik maaşı açıqlandı

"Fənərbaxça"nın yeni baş məşqçisi Joze Mourinyonun illik qazancı bəlli olub.

Presssport.az xəbər verir ki, 61 yaşlı portuqaliyalı mütəxəssis İstanbul təmsilçisində ilinə 10,5 milyon avro maaş alacaq. 

Bu barədə klub ictimaiyyətə məlumat verib. “Fənər”in prezidenti Ali Koç baş məşqçi və köməkçilərinə ümumi illik 12 milyon avro məvacib ödəyəcəklərini vurğulayıb.

Mourinyo "Fənərbaxça" ilə 2 illik müqavilə imzalayıb. Beləliklə, onun Türkiyədə ümumi qazancı 21 milyon avro təşkil edəcək.