"Qəbələ"də məşqçi istefası

“Qəbələ” Futbol Akademiyası məşqçi Zaur Hacıyevlə yollarını ayırıb. 

Presssport.az klubun mətbuat xidmətinə istinadən xəbər verir ki, 2023-2024-cü illər mövsümündə U-19-a rəhbərlik edən mütəxəssis akademiyada fəaliyyət göstərdiyi uzun müddət ərzində müxtəlif yaş qrupları üzrə komandalarda çalışıb.

“Qırmızı-qaralar” Hacıyevin rəhbərliyi altında müxtəlif liqalarda mükafatçılar sırasında yer alıb. 

"Qəbələ" İdman Klubu Hacıyevə futbolçu və məşqçi kimi göstərdiyi xidmətlərə görə təşəkkür edir, ona gələcək karyerasında yeni-yeni uğurlar arzulayır.