Basketbol millimiz Avropa çempionatında yarımfinala vəsiqə qazanıb

Azərbaycanın 16 yaşadək oğlan basketbolçulardan ibarət millisi Avropa çempionatının C divizionunun qrup mərhələsində son matçına çıxıb.

Presssport.az xəbər verir ki, Tahir Baxşıyevin komandası Malta yığmasını 56:50 hesabı ilə üstələyib.

Bu qələbədən sonra yığmamız qrup 2-cisi kimi adını yarımfinala yazdırıb.

Komandamız bundan əvvəl Albaniyaya 56:60 hesabı ilə uduzub, Moldovaya 78:55 hesabı ilə qalib gəlib.

Onu da bildirək ki, yarımfinal görüşləri iyulun 13-də keçiriləcək