"Zirə"nin rəqibi növbəti transferini reallaşdırıb

"Zirə"nin Avropa Liqasının I təsnifat mərhələsindəki rəqibi "Şerif" (Moldova) növbəti transferini reallaşdırıb.

Presssport.az klubun mətbuat xidmətinə istinadən xəbər verir ki, Moldova təmsilçisi Gideon Uçe Qudladla anlaşıb.

19 yaşlı nigeriyalı yarımmüdafiəçi İsrailin "Makkabi" (Petah-Tıkva) klubundan transfer olunub.

Xatırladaq ki, komandalar arasında Tiraspolda baş tutan ilk matçda "Zirə" 1:0 hesablı qələbə qazanıb. Cavab qarşılaşması iyulun 18-də “Dalğa Arena”da keçiriləcək.