Stolüstü tennisçilərimiz Avropa çempionatında Ermənistana qalib gəlib

Azərbaycanın stolüstü tennisçiləri İsveçin Malmö şəhərində yeniyetmələr arasında keçirilən Avropa çempionatında Ermənistan komandası üzərində qələbə qazanıb.

Presssport.az xəbər verir ki, 19 yaşadək oğlanların komanda yarışlarında Ermənistan seçməsi ilə qarşılaşan 16 yaşlı stolüstü tennisçilərimiz etimadı doğruldub.

Komandamız gərgin mübarizə şəraitində keçən görüşdə 3:1 hesabı ilə qələbə qazanıb.

Xatırladaq ki, U-15 və U-19 kateqoriyasında keçirilən Avropa çempionatına iyulun 21-də yekun vurulacaq.