"Sabah"la hər 2 oyunu səfərdə keçirəcəyik" - "Makkabi"nin baş direktoru

Hayfa “Makkabi”sinin baş direktoru İtzik Ovadia Konfrans Liqasının II təsnifat mərhələsinin  “Sabah”a qarşı Macarıstanda keçirəcəyi ev oyunundan danışıb.

Presssport.az xəbər verir ki, klub rəsmisi müharibənin operativ və idman tədbirlərinə təsir etdiyini deyib: "Bu o deməkdir ki, rəqiblərimizi İsraildə qəbul edə bilməyəcəyik. Komandamız səfərdə iki oyun keçirəcək: “Sabah”la ilk oyunu Macarıstanda, ikincini isə Azərbaycanda keçirəcəyik. Keçən il 50 gündən çox xaricdə olduq. Çətindir, amma ötən mövsüm bunun öhdəsindən gəldik, uğurlu olduq. Bu mövsüm də uğurlu olmaq istəyirik”.