UEFA "Sabah"ın Macarıstandakı matçını belçikalı hakimlərə tapşırdı

"Sabah"ın Konfrans Liqasının II təsnifat mərhələsi çərçivəsində səfərdə “Makkabi”yə (İsrail) qarşı keçirəcəyi ilk oyununun hakim təyinatı açıqlanıb.

Presssport.az verir ki, Macarıstandakı “Varkert” stadionunda baş tutacaq görüşü belçikalı hakimlər briqadası idarə edəcək.

Belə ki, baş hakim Natan Verbumenə yan xətt hakimləri Matias Hillaert və Ruben Vins kömək edəcək. Dördüncü hakim funksiyasını isə Uesli De Kremer yerinə yetirəcək.

Xatırladaq ki, iyulun 25-də keçiriləcək "Makkabi" - "Sabah" matçının start fiti saat 19:00-da səslənəcək.