Mertin qolu AVRO-2024-ün ən yaxşısı seçildi

AVRO-2024-ün futbolsevərlər tərəfindən seçilən ən yaxşı qolu açıqlanıb.

Presssport.az xəbər verir ki, bu barədə UEFA-nın rəsmi saytında məlumat yerləşdirilib.

Belə ki, azarkeşlər Türkiyə millisinin müdafiəçisi Mərt Müldürün qrup mərhələsinin ilk turunda Gürcüstan millisinin qapısından keçirdiyi qolu turnirin ən yaxşı qolu seçib. Həmin qarşılaşma “ay-ulduzlular”ın 3:1 hesablı qələbəsi ilə yekunlaşmışdı.

Xatırladaq ki, qitə çempionatında rəsmi olaraq İspaniya millisinin 17 yaşlı futbolçusu Lamin Yamalın yarımfinalda Fransaya vurduğu qol “ən yaxşı” seçilmişdi.