Kamal Umudlu "Zahir Payaziti"də hakimlik edəcək

FIFA referisi Kamal Umudlu növbəti təyinat alıb.

Presssport.az AFFA-nın rəsmi saytına istinadən xəbər verir ki, o, Kosovoda yerli “Drita” və İslandiyanın “Breydablik” klubları arasında keçiriləcək Konfrans Liqasının II təsnifat mərhələsinin cavab oyununu idarə edəcək.

Ədalət təmsilçisinə Namik Hüseynov və Vüsal Məmmədov kömək edəcək. Dördüncü hakim funksiyasını Elçin Məsiyev yerinə yetirəcək.

İyulun 30-da Poduyevo şəhərində yerləşən “Zahir Payaziti” stadionunda keçiriləcək görüş Bakı vaxtı ilə saat 19:00-da başlayacaq.