Bentekedən yenə dubl, "Şamaxı"dan yenə qələbə

"Şamaxı” yay təlim-məşq toplanışında növbəti yoxlama oyununu keçirib. 

Presssport.az xəbər verir ki, Ayxan Abbasovun komandası Küveytin “Əl-Yarmuk” klubu ilə qarşılaşaraq 2:0 hesabı ilə qalib gəlib.

"Şamaxı"nın heyətində yeni transfer Conatan Benteke dubl edib. Məşhur belçikalı futbolçu Kristian Bentekenin qardaşı olan Conatan "Cəbrayıl"la yoxlama oyunda da (4:0) 2 qola imza atmışdı.

Xatırladaq ki, "Şamaxı" bundan əvvəlki yoxlama oyunlarında "Kəpəz"ə 2:1, "Pelikan"a 5:0, "Cəbrayıl”a isə 4:0 hesabı ilə qalib gəlib.