"Neftçi"dən futbolumuz tarixində növbəti ilk - "Top səndə"

"Neftçi” PFK Azərbaycan futbolu tarixində daha bir ilkə imza atır. 

Presssport.az klubun mətbuat xidmətinə istinadən xəbər verir ki, “Top səndə” layihəsini pilot çərçivədə həyata keçirəcək.

Belə ki, Azərbaycan kubokunun 1/4 final mərhələsi çərçivəsində fevralın 9-da “Neftçi Arena”da baş tutacaq “Neftçi” – “Sumqayıt” matçında "ağ-qaralar"ın ilk qolunun müəllifinin rəqib qapısından keçirdiyi top qolu vuran futbolçu tərəfindən imzalanacaq və klubun stadionda yerləşən fan mağazasında satışa çıxarılacaq.

Satışdan əldə olunan vəsait “YAŞAT” Fonduna ianə ediləcək.