Ayxan Abbasov da Murad Musayevin gedişini gözləmirmiş: "İndi bizə ikiqat çətin olacaq"

“Murad Musayevin gedişini əlbəttə ki, mən də gözləmirdim. Çünki ”Sabah" iddialı komandadı, Musayev də özündən söz etdirən məşqçidi. Buna görə bu ayrılıq bizim üçün gözlənilməz oldu".

Bu fikirləri Presssport.az-a açıqlamasında “Turan Tovuz”un baş məşqçisi Ayxan Abbasov deyib.

Premyer Liqanın XXI turunda qonağı olacaqları "Sabah"da rusiyalı baş məşqçi Murad Musayevin gedişini şərh edən 43 yaşlı mütəxəssisin fikrincə, indi rəqibdə qeyri-müəyyən olduğundan onlara ikiqat çətin olacaq: “İstənilən halda, oyuna hazırlaşırıq. Bunu öncədən demək olaz ki, rəqibdə baş məşqçinin gedişi xeyrimizə ola bilər, yoxsa ziyanımıza. Bu, futboldu, o qədər təcrübədn keçirmişik ki, hətta dəyişiklik komandaya çox yaxşı da təsir edə bilər”. 

Xatırladaq ki, 41 yaşlı Musayev Azərbaycan Kubokunun 1/4 final mərhələsində “Qarabağ”a evdə 1:7 hesablı məğlubiyyətdən sonra öz istəyilə klubdan gedib.