Həm kişi, həm də qadın yığmamız Ümumdünya Şahmat Olimpiadasında II turu da qalib başa vurdu

Budapeştdə keçirilən 45-ci Ümumdünya Şahmat Olimpiadasında bu gün II tura yekun vurulub.

Presssport.az xəbər verir ki, hesabat turunda ölkəmizin kişilərdən ibarət yığması Finlandiyanı məğlub edib - 3,5:0,5. Aydın Süleymanlı heç-heçə oynayıb, Nicat Məmmədov, Rauf Məmmədov və Məhəmməd Muradlı partiyanı qələbəylə başa vurub. 

Qadınlardan ibarət Azərbaycan yığma isə Avstraliyanı üstələyib 3:1.  Günay Məmmədzadə və Xanım Balacayeva rəqiblərini məğlub edib. Gövhər Beydullayeva ilə Gülnar Məmmədova heç-heçəylə kifayətlənib. 

İki turdan sonra komandalarımız 4 xalla liderlər qrupunda yer alıb.