"Tottenhem" futbolçusu etdiyi zarafata görə diskvalifikasiya oluna bilər - "Qarabağ"a qarşı oynayacaq?

“Tottenhem”in yarımmüdafiəçisi Rodriqo Bentankur xoşagəlməz açıqlamasına görə bir neçə oyunu buraxa bilər.

Pressspport.az xəbər verir ki, 27 yaşlı uruqvaylı futbolçu komanda yoldaşı Son Hın Minə etdiyi zarafata görə diskvalifikasiya olunmaq təhlükəsi ilə üzləşib.

Belə ki, o, Sonun formasını vermək istənildikdə, gülərək, cənubi koreyalıların bir-birinə çox bənzədiyini bildirib.

Məhkəmə sentyabrın 19-da keçiriləcəyindən, Bentankur “Arsenal”a qarşı oynaya biləcək. Gələcəkdə onun günahı təsdiqlənərsə, futbolçu 6-12 matçı buraxa bilər.

Brntankur Premyer Liqa və İngiltərə kubokunda iştirak edə bilməyəcək. Amma diskvalifikasiya avrokubok oyunlarına şamil edilməyəcək.

Xatırladaq ki, "Qarabağ" Avropa Liqasının Liqa mərhələsində ilk matçını sentyabrın 26-da Londonda “Tottenhem”ə qarşı keçirəcək.