Şamaxıda insident - "Sumqayıt"ın azarkeşləri futbolçulara sərt təpki göstərib

Misli Premyer Liqasının VI turunda “Şamaxı” - “Sumqayıt” matçından sonra insident yaşanıb.

Presssport.az-ın Şamaxıya ezam olunmuş əməkdaşı xəbər verir ki, Şamaxıya gələn qonaq komandanın azarkeşləri futbolçulara növbəti məğlubiyyətə görə sərt təpkilərini göstərib.

Belə ki, onlar futbolçuları nəticə bir yana, zəif oyuna, meydanda can yandırmadıqlarına görə kəskin tənqid edib. Kapitan Elvin Bədəlov onları sakitləşdirməyə çağırıb və klubun mühafizə xidmətinin rəhbəri Elnur İbişovun müdaxiləsindən sonra ara sakitləşib.

Xatırladaq ki, “Sumqayıt” ardıcıl 3-cü məğlubiyyətini alıb.