Paxtman 3-cü dəfə zədələnib, çarpaz bağları qopub - bu dəfə əməliyyat yox, müalicəni seçiblər

“Zirə”nin baş məşqçisi Rəşad Sadıqov braziliyalı legioneri Filipe Paxtmanın hazırkı durumu haqda danışıb.

Presssport.az xəbər verir ki, 42 yaşlı mütəxəssis gənc hücumçunun artıq 3-cü dəfə dizindən zədələndiyini açıqlayıb: “Əməliyyat olmalı idi. Amma qərar verdi ki, əməliyyat olmasın, müalicə yolu seçdi. Çarpaz bağlar qopan futbolçunun müalicə yolu ilə bərpa olunduğunu eşitməmişəm, bilmirəm Lakin onlar - meneceri, yaxınları müalicə yolu seçib. Hər halda, adını iştirak ərizəmizə salmamışıq Gözləyək görək necə olar. Bəlkə həqiqətən effekt verəcək”.

Xatırladaq ki, Paxtman “Zirə”də oynadığı müddətdə çox az oynayaraq hər 2 ayağından əməliyyat olunaraq uzun müddət yaşıl meydandan kənarda qalıb.