Ürfan Abbasov 300-yə çatdı

Urfan Abbasov Azərbaycan çempionatlarında 300-cü oyununu keçirib.

Presssport.az PFL-ə istinadən xəbər verir ki, “Araz-Naxçıvan”ın 32 yaşlı sol cinah müdafiəçisinin yubileyi Misli Premyer Liqasının VI turuna təsadüf edib. Abbasov “Kəpəz”lə ev görüşündə (1:0) əvəzolunmadan meydanda olub.

O, ölkə çempionatları tarixinə 300 və daha çox oyun keçirən 28-ci futbolçu kimi düşüb. Premyer Liqada 2011/12 mövsümündə debüt edən müdafiəçi 3 klubun formasını geyinib. O, “Qəbələ”də 248, “Səbail”də 47, “Araz-Naxçıvan”da 5 dəfə şans qazanıb.

Onu da bildirək ki, 300 matçda 7 qola imza atan Urfan Qəbələ təmsilçisində 5, paytaxt klubunda 2 dəfə fərqlənib.