"Qəbələ" Ukrayna klubundan legioner icarəyə götürüb

Transfer çalışmalarını davam etdirən “Qəbələ” heyətinə daha bir futbolçu qatıb. 

Presssport.az xəbər verir ki, "qırmızı-qaralar” nigeriyalı Oçe Oçoveçi ilə anlaşıb.

Bu haqda klubun mətbuat xidməti məlumat yayıb.

Ukrayna Premyer Liqa təmsilçisi “Krivbass”da çıxış edən 22 yaşlı yarımmüdafiəçi 1 illik icarəyə götürülüb. Futbolçu karyerasına öz ölkəsində “Platea Yunayted”da başlayan Oçoveçi Portuqaliya klubu “Feirense”nin də formasını geyinib.