Millimiz dünya çempionatında medalsız qaldı

Azərbaycanın minifutbol üzrə U-23 millisi Xorvatiyanın Malıy Loşin şəhərində təşkil olunan dünya çempionatında 3-cü yer uğrunda oyunda məğlub olub.

Presssport.az xəbər verir ki, Rəcəb Fərəczadənin komandası Serbiyanın müvafiq yaş qrupundan ibarət yığmasına 0:3 hesabı ilə uduzub və turniri medalsız, 4-cü yerdə başa vurub.

Xatırladaq ki, millimiz yarımfinalda Çexiyaya 3:4 hesabı ilə məğlub olub, 1/4 finalda İngiltərədən (3:0) güclü olub. Qrupda isə Hindistanı 16 cavabsız qolla üstələsə də, Serbiya (1:5) və Çexiyaya (0:2) yenilib.