PFL I Liqada “Ayın qolu” layihəsinin ilk qalibini mükafatlandırıb

I Liqada “Ayın qolu” layihəsinin ilk qalibi “İmişli” futbol klubunun üzvü İdris İnqilablı mükafatlandırılıb.

Presssport.az xəbər verir ki, sentyabr ayının ən yaxşı qolunun müəllifinə mükafatı V turun “Karvan” – “İmişli” görüşündən əvvəl Peşəkar Futbol Liqasının Media və marketinq direktoru Sənan Abdullayev təqdim edib.

Onu da bildirək ki, İdris “Difai” ilə səfər matçında uzaq məsafədən vurduğu gözəl qolla hesabı açıb. Bununla da 23 yaşlı İnqilablı yeni mövsümdən həyata keçirilən bu layihədə ilk qalib olub.