“Araz-Naxçıvan” tarixinin rekordunu təkrarlayıb

“Araz-Naxçıvan” bir mövsüm ərzində qazanılan qələbə sayında tarixinin rekordunu təkrarlayıb.

Presssport.az Peşəkar Futbol Liqasının rəsmi saytına istinadən xəbər verir ki, Elmar Baxşıyevin komandası cari çempionatda 9-cu dəfə qalib gəlib.

Naxçıvan təmsilçisi Misli Premyer Liqasının XIII turunda “Sumqayıt”ı minimal hesabla məğlub edib.

“Araz-Naxçıvan” bunadək mövsüm ərzində ən çox qələbəni ötən çempionat əldə edib. Belə ki,  Muxtar Respublika təmsilçisi 2023/24 mövsümünün 36 görüşündə 9 dəfə 3 xala sevinib. Bu dəfə Elmar Baxşıyevin yetirmələri eyni sayda qələbəni 13 matçda qazanıb. Növbəti qələbə yeni rekordla əlamətdar olacaq.

Onu da bildirək ki, Naxçıvan klubu mübarizəni erkən dayandırdığı çempionatı nəzərə almasaq, yüksək dəstədə 4-cü mövsümünü keçirir.