Misli Premyer Liqasında 1 ildən sonra - son 5 ildə isə 3-cü dəfə

Misli Premyer Liqasında 1 ildən sonra 3 oyunda heç-heçə qeydə alınıb.

Pressssport.az Peşəkar Futbol Liqasının rəsmi saytına istinadən xəbər verir ki, eyni turda 3 bərabərliyin qeydə alınmasına sonuncu dəfə ötən mövsümün XIV turunda təsadüf olunmuşdu.

Belə ki, 35 tur əvvəl – ötən ilin noyabrında “Səbail” – “Kəpəz” və “Sumqayıt” – “Zirə” qarşılaşmaları qolsuz, “Neftçi” – “Araz-Naxçıvan” görüşü 1:1 hesabı ilə yekunlaşıb.

Cari mövsümün isə XIII turu "sülhsevərliyi" ilə yadda qalıb. Belə ki, 5 oyundan 3-də heç-heçə qeydə alınıb. “Neftçi” – “Şamaxı” və “Sabah” – “Kəpəz” matçları 2:2, “Səbail” – “Turan Tovuz” qarşılaşması 1:1 hesabı ilə nəticələnib.