“Turan” - “Kəpəz” matçında 10 qol - Musa və Qurban Qurbanovlar Tovuzda fərqləndilər

Bu gün “Turan” və “Kəpəz”in veteran futbolçuları arasında yoldaşlıq oyunu keçirilib.

Presssport.az xəbər verir ki, Tovuz şəhər stadionunda reallaşan matç məhsuldar heç-heçə ilə yekunlaşıb - 5:5.

"Turan"ın heyətində Etimad Qurbanov, Musa Qurbanov (2), Nizami Ocaqverdiyev və Qurban Qurbanov fərqlənib. “Kəpəz”dən isə qolların müəllifləri Rövşən Əhmədov, Ceyhun Tanrıverdiyev, Kamal Hüseynov, Mətləb Məmmədov və Rəhman Əzizov olub.

Xatırladaq ki, yoldaşlıq görüşü “Turan”un çempionluğunun və Azərbaycanı ilk dəfə qitəmiqyaslı yarışda təmsil etməsinin 30 illiyi ilə əlaqədar baş tutub.