"Nyukasl" və “Sankt-Pauli”nin futbolçuları millimizlə oyuna çağırılan heyətdən çıxarılıb

UEFA Millətlər Liqasının C1 qrupunun son 2 turunda Slovakiya (16 noyabr) və Azərbaycan (19 noyabr) milli komandalarına qarşı keçirəcəkləri oyunlar öncəsi İsveç yığmasının heyətində dəyişiklik baş verib.

Presssport.az xəbər verir ki, müdafiəçi Emil Kraft (“Nyukasl”, İngiltərə) və yarımmüdafiəçi Erik Smit (“Sankt-Pauli”, Almaniya) komandadan kənarlaşdırılıb.

Buna səbəb hər ikisinin zədəli olmasıdı. Onların əvəzinə müdafiəçi Emil Holm (“Bolonya”, İtaliya) və yarımmüdafiəçi Samuel Dal (“Roma”, İtaliya) milliyə cəlb edilib.

Xatırladaq ki, İsveç - Azərbaycan görüşü Solna şəhərindəki “Strouberri Arena” stadionunda Bakı vaxtı ilə saat 23:45-də keçiriləcək.