"Azərbaycan millisinə qarşı oynadığımızı başa düşməliyik" - Estoniya yığmasının yarımmüdafiəçisi

Estoniya yığmasının futbolçusu Markus Soomets UEFA Millətlər Liqasında Azərbaycan millisinə qarşı keçirəcəkləri oyundan əvvəl açıqlama verib. 24 yaşlı yarımmüdafiəçi güclü heyətə malik olduqlarını söyləyib: "Açıq şəkildə kimə qarşı oynadığımızı başa düşməliyik.

Qrupda daha keyfiyyətli İsveç və Slovakiya yığmaları da var. Onlara qarşı bir qədər fərqli oynamalıyıq. Amma həqiqətən komandamızın güclü olduğunu görürəm. Futbol oynaya bilirik".

Xatırladaq ki, Azərbaycan - Estoniya qarşılaşması noyabrın 16-da saat 18:00-da Qəbələ şəhər stadionunda keçiriləcək.