"Sportinq"in sabiq futbolçusu AFFA Region Liqasında çıxış edəcək

Millimizin sabiq futbolçusu Budaq Nəsirov karyerasını AFFA Region Liqasında davam etdirəcək.

Presssport.az xəbər verir ki, 28 yaşlı yarımmüdafiəçi "Naftalan"la anlaşıb.

Son olaraq I Liqada “Karvan”da çıxış etmiş Budaq əvvəllər “Sumqayıt”, “Araz-Naxçıvan”, “Kəpəz”, “Turan Tovuz”, "Sportinq B" (Lissabon) klublarında oynayıb. Nəsirov 2016-cı ildə Andorra yığmasıyla Avstriyada qolsuz bitən yoldaşlıq matçında millimizin formasını geyinib.