Ronaldinyo da COP29-a görə Bakıya gəlir?

Hazırda Bakıda keçirilən və noyabrın 22-də qədər davam edəcək Birləşmiş Millətlər Təşkilatının İqlim Dəyişmələri üzrə Çərçivə Konvensiyası - COP29-da ulduz futbolçu Ronaldinyo da iştirak edə bilər.

Presssport.az xəbər verir ki, sosial şəbəkələrdə yayılan fotoya əsasən bu qənaətə gəlmək olar.

Belə ki, COP29 iştirakçıları üçün hazırlanmış yaxa kartları (bəcik) arasında Ronaldinyo ləqəbi ilə tanınan braziliyalı futbolçu Ronaldo de Assis Moreyranın da fotosu yer alıb.

Sözügedən kartın üzərində 12-15 noyabr tarixləri qeyd olunub.

Hazırda onun Bakıya gəlib-gəlmədiyi barədə dəqiq informasiya yoxdu.

Xatırladaq ki, 44 yaşlı Ronaldinyo 2016-cı ildə “Qəbələ” ilə əməkdaşlıq çərçivəsində adını daşımalı olan, amma layihəsi gerçəkləşməyən akademiyanın təqdimatında da Azərbaycana səfər edib.