"Qəbələyə qələbə qazanmaq üçün gəlmişik, ümid edirəm ki, sabah buna nail olacağıq" - Estoniya yığmasının müdafiəçisi

Estoniya milli komandası UEFA Millətlər Liqası qrup mərhələsinin 5-ci turu çərçivəsində sabah Qəbələdə Azərbaycan yığmasının qonağı olacaq.

Presssport.az xəbər verir ki, rəqib komandanın müdafiəçisi Maksim Paskoçi matçdan öncə keçirilən mətbuat konfransında jurnalistlərin suallarını cavablandırıb:

- Oyundan gözləntiləriniz nədir?

- Bura qələbə qazanmaq üçün gəlmişik. Komanda olaraq oyuna hazırıq. Ümid edirəm ki, sabah istədiyimiz nəticəni əldə edəcəyik.

- Qələbədə oynamağın futbolçulara hansısa təsiri olacaq?

- Bunun bizə təsir edəcəyini düşünmürəm. Bizə lazım olan sadəcə, futbol meydançası və topdu. 

- Azərbaycan millisindən hansısa oyunçunu tanıyırsınız?

- Üzərimə düşəni etmişəm, rəqibin hücumçularını təhlil etmişəm. Bundan daha önəmli olan komanda olaraq düzgün müdafiə olunmağımızdı.