ABL-in oyunları 2 telekanalda yayımlanacaq - üstünlük “CBC Sport”da qalacaq

Azərbaycan Basketbol Liqasının (ABL) oyunları 2 telekanalda yayımlanacaq.

Presssport.az xəbər verir ki, bu barədə Azərbaycan Basketbol Federasiyasının əsas yayımçı partnyoru olan "CBC Sport" telekanalının bəyanatında bildirilib.

Belə ki, yeni mövsümdən basketbol üzrə ölkə çempionatının matçlarının bəziləri həftəsonu keçirildiyindən həmin qarşılaşmaları yayımlamaq telekanal üçün çətin olur.

“CBC Sport” telekanalının yayımlaya bilməyəcəyi görüşlər “İdman TV” tərəfindən göstəriləcək. Lakin matç seçimi və bu kimi digər məsələlərdə üstünlük “CBC Sport” telekanalında qalacaq", - deyə bəyanatda vurğulanıb.