"Sabah"la "Turan Tovuz" üçün Azərbaycan Kubokunda ilk - ümumilikdə 34-cü dəfə

Azərbaycan Kubokunun 33 mövsümündə 34-cü dəfə qalib penaltilər seriyasında müəyyənləşib.

Presssport.az Peşəkar Futbol Liqasının mətbuat xidmətinə istinadən xəbər verir ki, bu, kubokun 2024/25 mövsümünün 1/8 final mərhələsidə baş tutan "Sabah" - "Turan Tovuz" matçında gerçəkləşib.

Paytaxt təmsilçisi Tovuz klubu ilə səfərdəki dueldən qalib ayrılıb – 2:2 (3:1, p.). Bu, həm də cari mövsümündə penaltilər seriyasına qədər uzanan ilk matçdı.

Əvvəlki 32 mövsümdə 33 dəfə qalib oyunsonrası “lotereya”da bəlli olub. Sonuncu belə oyunlar ötən mövsümün I təsnifat mərhələsində baş tutub. “Şahdağ Qusar” “Qusar”a (0:0, p. 5:4), “Şəfa” “Şəmkir”ə (1:1, p. 5:3) qalib gəlib.

Onu da bildirək ki, həm “Sabah”, həm “Turan Tovuz” ölkə kubokunda ilk dəfə penaltilər seriyasında qüvvəsini sınayıb.