Abasov "Qarabağ"la oyundakı bu hərəkəti Matiasa bağışlamadı

"Neftçi"nin baş məşqçisi Samir Abasov Yuri Matiası cəzalandırıb.

Presssport.az xəbər verir ki, buna səbəb braziliyalı legionerin Azərbaycan Premyer Liqasının 15-ci turunda "Qarabağ"la görüşdə (0:3) yol verdiyi məsuliyyətsizlik olub.

Təcrübəli mütəxəssis arxa xətt oyunçunun ilk qolda etdiyi kobud xətanın üzərindən keçib. Bunu oyun epizodu kimi dəyərləndirib.

Amma buraxılan 3-cü qolda Matiasın etdiyi məsuliyyətsizliyi ona bağışlamayıb.

Əcnəbi futbolçuya böyük məbləğdə pul cəzası kəsilib.

Xatırladaq ki, 3-cü qolda "44 nömrə" boş qapıya gedən topun qarşısını ala biləcəyi halda, oyundankənar şübhəsi ilə qolu sadəcə seyr edib (sportinfo.az).