Olimpiya mükafatçımız ili reytinqdə 2-ci pillədə başa vurub

Fransanın paytaxtı Parisdə keçirilmiş Yay Olimpiya Oyunlarında gümüş medal əldə edən Azərbaycan taekvondoçusu Qaşım Maqomedov dünya reytinqində 2024-cü ili 2-ci pillədə başa vurub.

Presssport.az xəbər verir ki, bu, Dünya Taekvondosunun (World Taekwondo) saytında dekabr ayı üçün açıqladığı reytinqdə əksini tapıb.

Belə ki, 58 kq çəki dərəcəsində yer alan idmançımızın mövqeyində dəyişiklik olmayıb. O, 120 xalla 2-ci sırada yer alıb.

Maqomedovun Paris-2024-ün finalında məğlub olduğu Cənubi Koreya təmsilçisi Park Taejoon (200 xal) ilk sıradadı.

Xatırladaq ki, Qaşım qızıl medal uğrunda görüşdə zədələndiyi üçün döyüş vaxtından əvvəl başa çatmışdı.