AFFA bölgə təmsilçisinin 2 komandasınıı yarışlardan kənarlaşdırıb

AFFA İntizam Komitəsi U-10 və U-12 Liqasında çıxış edən Bərdənin "Pambıqçı" komandalarını yarışlardan kənarlaşdırıb.

Presssport.az xəbər verir ki, hər iki kollektiv son oyunlarda təyin olunan vaxtda meydanda olmadıqları üçün bu halla üzləşib.

Belə ki, onlar müvafiq olaraq Tərtərin "Ramal" və Zərdab təmsilçisi "Məhsul"la nəzərdə tutulan görüşdə iştirak etməyib.

Hər ikisinə 0:3 hesablı texniki məğlubiyyət verilib və bu hal cari mövsümdə 3-cü dəfə yaşandığından “Pambıqçı”lılar çempionatdan uzaqlaşdırılıb.