"Sportsman" növbəti "Zəfər"inə imza atıb - ən gənc mükafatçı "Kəpəz"ın istedadlı qapıçısı olub

Hər il olduğu kimi, 2025-ci ilin yanvarın sonu “Sportsman” jurnalı idman ictimaiyyətinin və öz oxucularının görüşünə gəlib.

Presssport.az xəbər verir ki, görüşdə jurnalın xüsusi mükafatı olan və ardıcıl 17 il keçirilən “Zəfər-2024” Beynəlxalq İdman Mükafatının təqdimetmə mərasimi də keçirilib. 

Tədbirdə 2024-cü ildə yüksək nəticələr qazanmış idmançılar, məşqçilər, hakimlər, idman mütəxəssisləri, Azərbaycan idmanının inkişafına, təbliğinə dəstəyini əsirgəməyən insanlar layiq olduqları “Zəfər” Mükafatına sahib olub. 

Mərasimin daimi aparıcısı olan həmkarımız Sənan Şəfizadənin giriş sözündən sonra “İdman TV”nin xüsusi hazırladığı “2024-cü ilin idman uğurları” telejurnalı ötən ilin idmançılarımız üçün uğurlu olduğunu bir daha təsdiq edib. 

Qonaqları salamlayan “Sportsman” jurnalının baş redaktoru, Əməkdar jurnalist Rəşad Qəmərşahoğlu qalibləri təbrik edərək, “Bizə qələbə yaraşır!” şüarı ilə bütün idmançılarımıza 2025-ci ildə möhtəşəm qələbələr arzulayıb.

Vurğulamaq istərdik ki, "Sportsman" tədbirin keçirilməsində göstərdikləri dəstəyə görə Azərbaycan idmanının dostları olan daimi tərəfdaşlarına – müasir və rahat, hər zövqə uyğun ofis mebelinin tək ünvanı olan baş sponsor “Offissa Dizayn”a, ecazkar “Hyundai” avtomobillərini təqdim edən “Auto Azərbaycan”a, idmansevərlərin sevimli butiki olan “Timsport”a, “Bioloji Təbabət” klinikasına, keyfiyyəti ilə fərqlənən “Rosko” halal ət məhsullarına, hər kəsi gümrah edən “Slavyanka” Gədəbəy mineral sularına, hər birimizin istifadə etdiyi “Otachi” Azərbaycan gigiyenik məhsullarına, suyumuzu şirin edən “Filtrex” su filtrlərinə, bəylərin xüsusi seçdiyi “Scallezioni” İtaliya kişi geyimləri butikinə, dadlı tortları və şirniyyatları ilə süfrələrimizin bəzəyi ola “İz” kulinariyaya, nənələrimizin bişirdiyi kompotların dadını verən “Barlı” kompotlarına, 30 il xidmət göstərən - ən dadlı və ən geniş dondurma çeşidi təqdim edən N 1 dondurma evinə, yüksək keyfiyyətli 8K çəkilişləri aparan “Ravin Aliyev Pro” qrupuna və tədbirə ev sahibliyi edən – Bakının müasir simvolu olan “Fairmont” hotelinə xüsusi təşəkkürlərini bildirib.

Tədbirin təşkilatı dəstəkçisi BrendSport.az olub.

Təqdimetmə mərasimi furşet, estrada ulduzlarının çıxışları, rəngarəng rəqslər, uduşlu lotereya oyunları, yeni Hyundai “Qustin” avtomobilinin nümayişi ilə davam edib. Əməkdar artist Ruhəngiz Allahverdiyeva, istedadlı tar ifaçısı Zəki Vəliyev, Azərbaycan Dövlət televiziyasının, muğam mərkəzinin solisti və “Space TV” kanalının aparıcısı xanəndə Könül Məmmədli, Orkestr adam Musiqi alətlərinin məşhur ifaçısı və müğənni Vüqar Bəxtiyar, illərin estrada ulduzu Ceyhun Nəhmətov, Səs Azərbaycan, Beynəlxalq muğam müsabiqəsi, Sarı gəlin festivalının qalibi və lauriyyatı Rəqsanə Asad, gənc müğənni Leyla Nur Babazadə, gənc bəstəkar müğənni Arif Nəymətov və estradamızın yeni parlayan ulduzu Fərəh öz musiqiləri ilə mükafatçıları və idmançıları təbrik edib.

“Zəfər-2024” mükafatçıları:

İlin İdmançıları: Hidayət Heydərov, Zelim Kotsoyev

İlin Əzmkar İdmançısı: Qaşım Maqomedov

İlin İdman Rekordu: Eldəniz Əzizli, Lamiyə Vəliyeva

İlin Məşqçisi: Nəriman Abdullayev

İdmanımızın Gələcəyi: Qüdrət Qarayev

İlin İdman Hakimi: Aydın Ağabəyov

İlin İdman Butiki: Timsport

İlin Futbol Qolu: Toral Bayramov

İlin Fitness Klubu: The Gym

İlin İdman Aparıcıları: Arifə Lətifova (CBC Sport), Murat Ekrem Çimen (TRT Spor)

İlin İdman Verilişi: “30 Dəqiqə” (İdman TV)

İlin İdman Portalı: Report.az

İlin İdman Həkimi: Fidan Məmmədova (Solidmed)

İlin İdman Fotoqrafı: Mirağa Əliyev

Olimpiyaçılarımıza həsr olunan filmlərin çəkilişinə görə: Arzu Qulamov

Azərbaycan İdmaninin təbliğindəki xidmətlərinə görə: Space TV    

Azərbaycan İdmaninin İnkişafındakı xidmətlərinə görə: George Ganchev

Onu da bildirək ki, qaliblər arasında ən gənc, “Kəpəz”in U-15 komandasının qapıçısı Qüdrət Qarayev olub. Belə ki, 15 yaşı növbəti ayda - fevralda tamam olacaq Qüdrət ucaboylu, perpesktivli, istedadlı qolkiper kimi artıq diqqət çəkib və buna uyğun olaraq da “İdmanımızın gələcəyi” nominasiyasında mükafatla təltif olunub.

Presssport.az bütün qalibləri təbrik edir, onlara uğurlar arzulayır.