AFFA I Liqada komanda sayının artırılmasıyla bağlı qərar çıxarıb

Azərbaycan I Liqasında 2025/26 mövsümündə komanda sayı artırılacaq.

Presssport.az xəbər ki, bu barədə AFFA İcraiyyə Komitəsinin bugünkü iclasında qərar çıxarılıb.

Belə ki, cari mövsüm I Liqada turnir cədvəlini sonuncu yerdə başa vuran klub II Liqaya düşəcək, II Liqadan isə ilk 3 yeri tutan komanda birbaşa I Liqaya yüksələcək.

I Liqada 9-cu yeri və II Liqada 4-cü yeri tutan komandalar arasında neytral meydanda bir oyundan ibarət pley-off matçı keçiriləcək.

Qalib komanda I Liqada mübarizə aparmaq hüququ qazanacaq.

Onu da bildirək ki, cari mövsümün sonunda I Liqadan Premyer Liqaya 3 komanda yüksələcəyindən, belə bir sistem tətbiq olunacaq.