Avstraliya mətbuatı Qurban Qurbanovdan yazdı - rekordçular siyahısına daxil etdi

Avstraliya mətbuatı bir komandada uzun müddət baş məşqçi kimi fəaliyyət göstərən mütəxəssislər haqda yazıb.

Presssport.az “Sporting News"a istinadən xəbər verir ki , bu siyahıya 6 məşqçinin adı daxil edilib. 

Bunlar arasında "Qarabağ"ın baş məşqçisi Qurban Qurbanov da var ki, o, 2-ci pillədə qərarlaşıb. Avstraliyalı həmkarlarımız 53 yaşlı azərbaycanlı məşqçinin 2008-ci il avqustun 4-dən (16 il, 244 gün) Ağdam təmsilçisinə rəhbərlik etməsini xüsusi qabardıb. Qurbanov yalnız “Haydenhaym”in çalışdırıcısı Frank Şmidtdən (17 il, 197 gün) geri qalır.

"TOP-6"da Saymon Uiver (“Harroqeyt Taun”, İngiltərə), Koldo (Andorra millisi), Luk Holts (Lüksemburq millisi) və Dieqo Simeone (“Atletiko”, İspaniya) da yer alıb.