Bolqarıstan millisinin hansı futbolçusu Bakıya gələcək heyətdən kənarlaşdırıldı?

FİFA tərəfindən təşkil olunacaq “FİFA series – Edition 2024” turnirində iştirak üçün Bakıya gələcək Bolqarıstan millisi itki ilə üzləşib.

Presssport.az xəbər verir ki, “Ludoqorets”in futbolçunun Todor Nedelev yığmanın heyətindən kənarlaşdırılıb. Buna səbəb 31 yaşlı yarımmüdafiəçinin zədələnməsidir. 

Nedelevin təxminən bir ay meydana çıxa bilməyəcək. Bu barədə “Ludoqorets”in mətbuat xidməti məlumat yayıb.

Xatırladaq ki, bolqarlar martın 22-də “Dalğa Arena”da Tanzaniya ilə, martın 25-də isə Tofiq Bəhramov adına Respublika stadionunda Azərbaycanla qarşılaşacaq.