Milli komandalar tarixinin ən sürətli qolu Azərbaycan yığmasının rəqibinə vuruldu

Avstriya millisinin yarımmüdafiəçisi Kristof Baumqartner milli komandalar tarixində ən sürətli qolu vurub.

Presssport.az xəbər verir ki, avstriyalı futbolçu Slovakiya yığmasıyla səfərdəki yoldaşlıq görüşündə 6-cı saniyədə hesabı açmaqla bunu reallaşdırıb.

Bu, milli komandalar tarixinin ən sürətli qoludu. Əvvəlki rekord 2013-cü ildə Ekvador millisinin qapısına yol tapmaq üçün 7 saniyə vaxt sərf edən almaniyalı hücumçu Lukaş Podolskiyə məxsus idi.

Qeyd edək ki, avstriyalılar millimizin UEFA Millətlər Liqasında rəqibi olan Slovakiyanı 2:0 hesabıyla məğlub edib.